Et vurige bericht ier skrief ik nog vanut een koesterend Italiaons ussien, dezen is vanut et Zwarte Woud in Deuslaand. Gister eawen we dus vooral in de oto ezieten.
Op de geplande route was wat vertraging duur ongelokken, dus gingen we een stukkien omme. Daor wazzen wat minder tunnels, mit as gevolg dat we op et iene moment de airco op volle toeren adden draaien in effen laoter snijacht naost de oto adden.
We kwammen pas wat laoter in et otel, waor een vriendelijk vrouwtjen oens al op zat te wachten in gelik alles effen liet zien. We eawen een mooi plekkien in et is er lekker rustig. Vandage konnen we de bol lekker beuten opeten, mit vrij utzicht. Daornao binnen we opperdan egoon in eawen we onger angere bij een opvanggebeuren vor wilde dieren ewest. Et gedielte waor de kiengeren konnen spuulen bliek uteandelijk leuker vor de kleane dan naor de wolven in beren kieken. Maar ze adden er ok bratwursten in een lekker biertjen, dus dat was varder gien probleem.
Et bliek niet zo’n goed idee om mit een lege knip arreges te goon eten, want betaolen kan ier lange niet overal digitaal. Dat bin ik niet gewind van de plekken in Deuslaand waor ik aarder ewest bin, maar zo laar je elke keer wier wat. Gelokkig kon et er nog wel op de pof, dus uteandelijk konnen we et op de ouwerwesse manier oplossen.
De kleane makt zicht ongertussen drok of er taande die ze vandage verleuren is wel evoenden wordt in Deuslaand. We zullen zien of ie murgen nog onger er kussem legt.